Votuesit në Cyrih i thanë “po” zgjerimit të pistave të aeroportit

Votuesit në kantonin e Cyrihut kanë dhënë dritën e gjelbër për zgjerimin e dy pistave në aeroportin më të madh të vendit.

Pas rezultatit të së dielës, autoritetet e aeroportit tani mund të ecin përpara me një shtrirje 400 metra në një pistë dhe një zgjatje prej 280 metrash në një tjetër. Aeroporti do të përballojë vetë kostot prej 250 milionë CHF, transmeton albinfo.ch.

Rreth 61.7% e votuesve të Cyrihut miratuan zgjatjen, me një pjesëmarrje prej 57.6%.

Sipas aeroportit – që është më i madhi dhe më i ngarkuari i Zvicrës – qëllimi i projektit është të përmirësojë sigurinë dhe përpikmërinë, teksa u tha se zhurma e aeroplanëve në mbrëmje gjithashtu do të reduktohet.

Projekti u mbështet kryesisht nga partitë e qendrës së djathtë, nga qeveria dhe parlamenti kantonal i Cyrihut, shkruan swissinfo.

Nga ana tjetër, projekti u sfidua nga kundërshtarët e zhurmës së aeroplanëve, si dhe nga partitë e krahut të majtë, të cilët thanë se kjo do të çonte në më shumë fluturime në planin afatgjatë: kjo do të thotë më shumë zhurmë dhe më shumë emetime nga linjat ajrore. Për ta, aeroporti tashmë është mjaft i zënë dhe mjaft i madh.