Vozit 195 km/h në vend të 80 të lejuar

(KEYSTONE/Ti-Press/Francesca Agosta)

Policia kantonale në St. Gallen të dielën në një kontroll ka vërejtur 18 shkelje të shpejtësisë në të gjithë kantonin.

Matjet e shpejtësisë u kryen në autostradën A1 Oberbüren, jashtë qytetit në Lömmenschwil, Bollingen dhe Waldkirch, si dhe në rrugën midis Rheineck dhe Rorschacherberg dhe në Ebnat-Kappel, njofton policia.

Gjithsej, 18 vetura dhe motorë janë ndaluar për shkak se kanë tejkaluar shpejtësinë, derisa pesë prej tyre duhet të dorëzonin patentë shoferin, përcjell albinfo.ch.

Por, një rast ishte më flagrant, ku një boshnjak me motor po voziste 195 km/h, kurse shpejtësia e lejuar ishte vetëm 80 km/h.

Ai duhet të dorëzonte menjëherë patentë shoferin, derisa tashmë e presin edhe masa tjera.