Vrasësja nuk e njihte viktimën, po bëhet ekzaminimi psikiatrik i saj

Gruaja e dyshuar per vrasje, pas largimit nga vendi i krimit, ka dërguar mesazhe telefonike (SMS) te disa persona dhe institucione, ku ka theksuar se e ka vrarë djaloshin

Ende nuk dihet motivi për vrasjen makabre të djaloshit shqiptar, Mërgimit, në Bazel. Por, sipas Prokurorisë, ekzistojnë dyshime mbi përgjegjshmërinë penale të gruas që ka marrë mbi vete vrasjen. Aktualisht po bëhet ekzaminimi psikiatrik i saj, njoftojnë mediet zvicerane.

Hetimet e deritashme tregojnë se vrasja e dyshuar, një zvicerane 75 vjeçe me banim në Bazel, nuk e kishte njohur as fëmijën dhe as familjen e tij që vjen nga Kosova, transmeton albinfo.ch. Hetimet e institutit të mjekësisë ligjore kanë treguar se gruaja në fjalë  i ka shkaktuar plagë të rënda djalosjhit duke e therur me thikë në qafë, gjë që solli vdekjen e tij.

Në vazhdim prokuroria përsërit detajet që tashmë dihen, rreth përpjekjeve të düështuara për shpëtim të djaloshit.

Një risi në këtë raportim të prokurorisë është fakti se gruaja e dyshuar per vrasje, pas largimit nga vendi i krimit, ka dërguar mesazhe telefonike (SMS) te disa persona dhe institucione, ku ka theksuar se e ka vrarë djaloshin. Pastaj ajo üështë paraqitur në prokurori. Por, mbi bazën e njohurive të para ka dyshime rreth përgjegjshmërisë penale të gruas aktualsiht po bëhet ekzaminimi psikiatrik i saj.

---