Vrasje në tentativë, i dyshuari gjuan me armë në drejtim të zyrtarëve policorë

Policia e Kosovës ka njoftuar për një rast vrasje në tentativë që ka ndodhur dje pasdite në Prishtinë.

Sipas raportit të policisë, thuhet se viktima mashkull ka raportuar se, pas një mosmarrëveshjeje, është kanosur nga i dyshuari mashkull kosovar.

Pasi ka arritur policia në vendin e ngjarjes, i dyshuari ka shtënë me armë zjarri në drejtim të viktimës dhe zyrtarëve policorë dhe është larguar në drejtim të panjohur.

Nuk raportohet për të lënduar, ndërsa në vendin e ngjarjes janë sekuestruar dy gëzhoja dhe një fishek. Rasti vazhdon të hetohet.