Vuçiq: Askush nuk po na ofron ndarjen e Kosovës

Vuçiç përsëriti se askush nuk e dëshiron kompromisin të cilin ai e ofron

Presidenti serb, Aleksandar Vuqiç, deklaroi se “askush nuk i ka ofruar Beogradit asgjë në lidhje me Kosovën, se ka ofertë për ndarje të Kosovës dhe se rreth 100 vende që e kanë pranuar atë, nuk do të tërhiqen nga vendimi”.

Këto shtete, sipas Vuçiçit, duan ta shohin Serbinë pa Kosovën. Gjatë një vizite në një qytet serb, ai u shpreh se “duhet kuptuar pesha e pozicionit të Serbisë” dhe se “nuk duhet gënjyer popullin”.

“Të gjithë kanë thënë se jam i gatshëm të nënshkruaj. Çfarë të nënshkruaj kur nuk ka asgjë”, ishte komenti i tij.

Vuçiç përsëriti se askush nuk e dëshiron kompromisin të cilin ai e ofron, e tha se atë madje e ka refuzuar edhe fituesi i zgjedhjeve në Kosovë, Albin Kurti.

Deklarata e presidentit serb erdhi pas vizitës në Prishtinë dhe Beograd të të dërguarit presidencial të SHBA-së, për bisedimet e paqes me Kosovës dhe Serbisë, ambasadorit Richard Grenell.

“Qëllimi është të bëhen bashkë partnerët tanë në Serbi dhe Kosovë për një zgjidhje gjithëpërfshirëse për pikat e konfliktit në rajon. Të dyja palët do të duhet të punojnë ngushtësisht dhe shpejt, me vështrimin të drejtuar nga e ardhmja”, thuhet në deklaratën që Ambasada amerikane në Prishtinë lëshoi pas vizitës së Grenell, përcjell Albinfo.ch.

---