Vuçiq i ‘trembet’ takimit me Scholzin

EPA/GEORGI LICOVSKI

Presidenti i Serbisë, Aleksandar Vuçiq, në prag të takimit me kancelarin gjerman, Olaf Scholz,është shfaqur i “trembur” përpara udhëtimit në Berlin.

Në një deklaratë të dhënë në Greqi, ai tha se u ‘druan’ bisedimeve me kancelarin gjerman, për të cilat theksoi se nuk do të jenë të lehta, përcjell Albinfo.ch.

Duke folur gjatë një vizite në Greqi, Vuçiq tha se “druan” nga bisedimet me Scholzin dhe se nuk pret që ato “të jenë të lehta”.

Udhëtimi i Vuçiqit dhe Kurtit drejt Berlinit vjen pas ftesës së kancelarit gjerman, i cili do t’i presë ata në takime të ndara.

Bashkë me ta në takime do të jetë edhe përfaqësuesi i posaçëm i Bashkimit Evropian në dialogun midis Kosovës dhe Serbisë, Mirosllav Lajçak.