Vuçiq, në panik nga anëtarësimi i Kosovës në KiE: “Do të ngrenë padi kundër Serbisë”

EPA/ANDREJ CUKIC

Presidenti i Serbisë, Aleksandër Vuçiq, është deklaruar në panik, duke thënë se kryeministri i Kosovës, Albin Kurti, po e kërcënon Serbinë për shkak të Këshillit të Evropës, sepse do të ngrenë padi kundër Beogradit përmes institucioneve të kësaj organizate ndërkombëtare.

“Ai po kërcënon, pikërisht për shkak të Këshillit të Evropës, për shkak të asaj që ia kanë mundësuar Dora Bakoyannit dhe shtetet perëndimore dhe do të përdorë institucionet e asaj organizate për të ngritur padi kundër Serbisë përmes tyre. Është pjesë e Planit masiv për presion dhe sulm ndaj popullit serb”, ka theksuar presidenti serb.