Vuçiq nuk është optimist se të hënën arrihet marrëveshje

Presidenti serb, Aleksandër Vuçiq konfirmoi takimin me Kurtin nesër në orën 8 në Bruksel në një intervistë për TV Prva.

Ai tha se nuk ishte optimist për takimin dhe jo sepse nuk mund t’i japin zgjidhje problemit, por sepse nuk do i jepte kurrë arsye të mjaftueshme Kosovës për të fajësuar Serbinë nëse s’merr pjesë në diçka.

“Unë nuk jam optimist, jo sepse mendoj se mund të krijojmë dhe të bëjmë diçka, por sepse nuk do t’u jepja atyre arsye të mjaftueshme për të fajësuar Serbinë për mospjesëmarrjen në diçka. Ne thamë gjithçka qartë,” – deklaroi Vuçiq.

Presidenti serb thekson se nuk ka dyshim se situata është më e vështirë se në 10 vitet e fundit dhe se e gjithë situata u komplikua edhe më shumë në Samitin e Berlinit, shkruan Euronews Serbia.

Në momentin kur u bë e qartë se Kurti nuk do ta përmbushte marrëveshjen e Brukselit, pati një tërheqje të serbëve nga institucionet, thotë Vuçiq.

Sipas tij e gjitha kjo është pjesë e aksionit të Prishtinës për dëbimin e serbëve nga veriu.