Vuçiq thotë se nuk dorëzohet, kërkon krijimin e Asociacionit

Zhvillimet e fundit në pjesën veriore të Kosovës dhe tensionimi i situatës nga Serbia ka dhënë shenja se ky vend nuk e ka ndërmend të ndalet.

Madje, përmes një mesazhi në rrjtet sociale, presidenti serb, Aleksandër Vuçiq, ka kërkuar themelimin e asociacionit si parakusht për qetësim të situatës, transmeton albinfo.ch.

“Mesazhi për të gjithë të tjerët është që të formohet Asociacioni, të respektohen të drejtat dhe liritë e serbëve dhe të Serbisë dhe të sillen në përputhje me marrëveshjet e nënshkruara dhe të drejtën ndërkombëtare, sepse kjo është mënyra e vetme për të filluar normalizimin e marrëdhënieve dhe jetës së të gjithë neve. Ne vazhdojmë luftën me të gjitha mjetet ligjore për paqe, për një jetë dhe të ardhme më të mirë të fëmijëve tanë”, tha Vuçiq.