Futboll

Werderi kërkon së paku 20 milionë euro për Rashicën

E enjte, 24 Shtator 2020 - 16:40 albinfo.ch
Keystone

Milot Rashica ishte njëri prej emrave më të përfolur në futbollin gjerman në sezonin e fundit. Por, deri tash nuk ka arritur ende ndonjë ofertë zyrtare bindëse për yllin kosovar. Werder Bremeni tashmë e ka vendosur çmimin për 24 vjeçarin

Afati kalimtar i verës po shkon drejt fundit, por Milot Rashica vazhdon të mbetet në Werder Bremen, shkruan Gazeta Express.

Ylli kosovar ishte njëri prej emrave më të përfolur në futbollin gjerman gjatë sezonit të fundit.

Por, deri tash nuk ka arritur ndonjë ofertë zyrtare bindëse për 24-vjeçarin.

Flitet se interesim serioz për përfaqësuesin kosovar ka shfaqur Aston Villa në Angli, pastaj Napoli në Itali dhe Leipzigu në Gjermani.

Vushtrriasi ka kontratë me Werderin deri në vitin 2022, por ai shpreson të largohet prej aty para 5 tetorit, kur edhe do të mbyllet afati kalimtar.

Werderi është i vendosur në kërkesën e tij: i do së paku 20 milionë euro për kartonin e Rashicës.

 Të ngjashme

Dy futbollistët kosovarë, edhe pse “kundërshtarë”, në fund të ndeshjes i shkëmbyen fanellat

 Të tjera nga Futboll

Federata zvicerane tërheq mbështetjen për Infantinon për president të FIFA-s

 E-Diaspora

 Jeta në Gjermani