Xhaka, në mesin e top 5 mesfushorëve më të mirë në Evropë

Data MB: Granit Xhaka është në mesin e 5 mesfushorëve më të kompletuar gjatë këtij sezoni në Evropë.

Futbollisti Granit Xhaka po kalon një formë të jashtëzakonshme, shkruan albinfo.ch.

Ai është thuajse i pazëvendësueshëm në formacionin e trajnerit të Bayer Leverkusenit, Xabi Alonso, duke qenë titullar në të gjitha 23 ndeshjet e zhvilluar nga skuadra deri më tani.

Xhaka, tani po i shijon ngadalë edhe frytet e angazhimit të tij.

Sipas Data MB, Granit Xhaka është në mesin e 5 mesfushorëve më të kompletuar gjatë këtij sezoni në Evropë.

Emra si Rodri e Toni Kroos janë poashtu pjesë e kësaj liste të ‘ngushtë’.

Kapiteni i kombëtarës së Zvicrës, pozicionohet në vendin e katërt.

“Granit Xhaka renditet i 4-ti në top 10-shën e mesfushorëve më të mirë në Evropë. Vazhdo të më bësh krenar!”, tha ai.

Granit Xhaka, verën e kaluar kaloi nga Arsenali tek Bayer Leverkuseni.

---