As Ylfete Fanaj nuk bëhet dot deputete në Parlamentin e Zvicrës

Ylfete Fanaj, e konsideruar si kandidatja më serioze nga komuniteti shqiptar për të zënë një vend në Parlamentin e Zvicrës, nuk arriti të zgjidhej. Megjithëse ka grumbulluar një numër të konsiderueshëm të votave, mbi 17 mijë sosh, ato nuk i mjaftuan për në Bernë.

Me këtë rast Fanaj u është drejtuar me një postim në Facebook votuesve dhe miqve të saj, duke i falënderuar për mbështetjen.

Në vijim, postimi i Ylfete Fanajt:

_{“Ju falemnderit për 17.067 votat! Nuk mjaftuan. Ju falënderoj përzemërsisht për mbështetjen Tuaj!}

_{Në luftën zgjedhore kam marrë shumë vlerësim për punën time politike. Kjo më motivon që të vazhdoj tutje të ndjek rrugën time të trasuar në nivelin kantonal. Unë dua të angazhohem edhe tutje që për të gjithë të ketë një jetë të mirë”, thuhet nëpostimin e saj.}