Ylli i Hollivudit Keanu Reeves, mysafir në restorantin e shqiptares në Zvicër

“Nuk mund të besoja se Keanu Reeves po qëndron në restorantin tim”, thotë Neta 31 vjeçare tek tregon se aktorit të njohur me dy shoqërues të tij i kishte rënë rruga andejpari

Duket ngapak e pazakonshme, por  ylli i njohur i Hollivudit, Keanu Reeves ka qenë të martën në qytezën Bütschwill të Kanton in St. Gallen. Dhe aty, për befasinë dhe kënaqësinë e Neta Beçirit,  drekën e ka ngrënë  pikërisht në restorantin e saj “Shäfli”.

“Nuk mund të besoja se Keanu Reeves po qëndron në restorantin tim”, thotë Neta 31 vjeçare për 20minuten, tek tregon se aktorit të njohur me dy shoqërues të tij i kishte rënë rruga andejpari.

Sigurisht, ajo është ekzaltuar nga kjo vizitë, transmeton albinfo.ch. Fundja Neta është fanse e aktorit. “Keanu Reeves është njëri ndër aktorët më të preferuar për mua, i njoh të gjithë filmat e tij”. Prandaj e ka dalluar menjëherë sapo e ka parë.

“Ai hyri brenda dhe pyeti nëse mund të pinin ndonjë gjë”. Sigurisht që ajo ka pohuar dhe pastaj e ka pyetur nëse vërtet është Keanu Reves, përcjell albinfo.ch. Dhe ai i është përgjigjur cool: Po, unë jam ai. Ishte vërtet shumë i këndshëm dhe korrekt” thotë Beciri.

Më tutje, ajo pothuaj nuk mund te të punonte si duhet dhe edhe mysafirët tjerë e kuptuan se në restorant ndodhej një yll botëror filmi.

Keanu Reeves kishte zgjedhur një pica Milano me sallam dhe pastaj në autograf kishte shkruar: “Best Pizza!”. Ndërsa Neta, me shaka kishte komentuar: “Kjo ka qenë dhurata më e mirë që kam marrë ndonjëherë për ditën e Shën Valentinit”.