Yllka Gashi i kërkon Spanjës njohjen e pavarësisë së Kosovës

Aktorja kosovare, Yllka Gashi, e cila sot u kurorëzua me çmimin si aktorja më e mirë nê festivalin e filmit në Spanjë, i ka kërkuar këtij shteti që të njohë pavarësinë e Kosovës.

“Do të përdor zërin tim sonte për të shprehur një ëndërr që unë si artiste kosovare dhe i gjithë populli im e kemi. Qe vendet tona të bukura, Spanja dhe Kosova, së shpejti të vendosin raporte diplomatike dhe që Spanja ta njohë Kosovën”, ka thënë Gashi gjatë ceremonisë përmbyllëse të festivalit.

Ajo deklaroi po ashtu se ambasadorët dhe përfaqësuesit më të mirë të vendeve të tyre janë artistët.