Zbulimi i parë i variantit të ri të Mpox në Zvicër

Keystone (AP Photo/Martin Mejia)

Një rast i variantit të ri të Mpox-it, kladi Ib, është zbuluar për herë të parë në Zvicër.

Personi i prekur është izoluar dhe, sipas Zyrës Federale të Shëndetit Publik (BAG), nuk ka rrezik infektimi për të tjerët përreth tij.

Sipas BAG, personi i infektuar është një udhëtar që është kthyer nga Afrika. Infeksioni është zbuluar në fillim të prillit, transmeton albinfo.ch.

Sipas Organizatës Botërore të Shëndetësisë (OBSH), kladi Ib është më ngjitës dhe më i rrezikshëm se variantet e mëparshme të sëmundjes Mpox (dikur e njohur si lisa e majmunëve). Ky variant është përhapur në disa vende afrikane për disa muaj tashmë.

Gjendja e emergjencës shëndetësore 2024

Në mes të gushtit 2024, OBSH shpalli emergjencë shëndetësore ndërkombëtare për shkak të rritjes së infeksioneve me variantin Clade I të Mpox. Në fund të shkurtit 2025, organizata vendosi ta mbajë këtë gjendje emergjence, sipas këshillave të ekspertëve të pavarur.

OBSH deklaron se situata nuk është përmirësuar: rastet po rriten dhe virusi po përhapet. Përpjekjet për kontrollin e shpërthimit janë penguar nga konfliktet në lindje të Kongos, prej nga po përhapet që nga viti i kaluar.

Në Perëndim të Afrikës, vaksinimet kanë filluar në disa zona, por qindra mijëra njerëz janë zhvendosur dhe mungojnë fondet për të përballuar situatën.