Zënkë vdekjeprurëse në Bernë

Rreth orës 04.00 të mëngjesit të së shtunës, Policia Kantonale e Bernës është alarmuar për një person të plagosur në parkingun e postës mbi Stacionin Kryesor Hekurudhor

Në mëngjesin e së shtunës, në kryeqytetin e Zvicrës, në Bernë, pas një zënke një person është plagosur aq rëndë, sa që është dashur të reanimohet. Pas një kohe të shkurtër, ai ka ndërruar jetë në siptal, si pasojë e lëndimeve të rënda.

Rreth orës 04.00 të mëngjesit të së shtunës, Policia Kantonale e Bernës është alarmuar për një person të plagosur në parkingun e postës mbi Stacionin Kryesor Hekurudhor.

Forcat e rendit menjëherë kanë shkuar në vendngjarje, ku kanë arritur ta reanimojnë të plagosurin dhe ta dërgojnë në spital, shkruan “Blick”, përcjellë Albinfo.ch. Por, lëndimet kanë qenë aq të rënda sa që personi ka ndërruar jetë pas një kohe të shkurtër në spital.

Dyshohet se ngjarja ka ndodhur si pasojë e zënkës në mes të disa personave, thuhet në një komunikatë të policisë. Hetimet janë në vazhdim e sipër, ndërsa janë ndaluar disa persona dhe janë dërguar në stacionin policor për intervistim të mëtutjeshëm.

Në aksion janë involvuar edhe shërbimet përkatëse për krime të rënda. Identifkimi i kufomës është në rrjedhë e sipër, megjithatë nuk ka të dhëna për identitetin e tij.