Zgjedhjet në Shqipëri: Diaspora me 120 mijë kërkesa deri më tani

Mbi 120.000 shqiptarë kanë bërë kërkesë për regjistrim në Platformën Elektronike për Regjistrimin (PER) të votuesve nga jashtë, që prej datës 11 janar 2025.

Sipas shifrave të publikuara nga KQZ, 74.626 kërkesa janë miratuar deri tani, ndërsa 43.906 janë refuzuar.

Shtetasit shqiptarë me banim jashtë vendit mund të aplikojnë sërish për të votuar nga aty ku jetojnë me postë, shkruajnë mediat shqiptare, përcjell albinfo.ch.

KQZ fton qytetarët që të shkarkojnë aplikacionin mobil KQZ për Android dhe iOS, ose të vizitojnë www.kqz.gov.al (rubrika “Votues nga Jashtë”) për të marrë të gjitha informacionet se si mund të votojnë nga jashtë territorit të Shqipërisë për zgjedhjet për Kuvendin e Shqipërisë 2025