Zhduket miliarderi gjerman në Alpet zvicerane

Mediat gjermane raportojnë se familja ka ofruar 25 mijë euro shpërblim nëse dikush ka ndonjë informacion për miliarderin e zhdukur.

(KEYSTONE/AP Photo/Frank Augstein)

Autoritetet në Zvicër dhe Itali po kërkojnë miliarderin gjerman, Karl Erivan Haub, i cili u zhduk në Alpet në zonën në mes dy shteteve nga e shtuna e kaluar, shkruan albinfo.ch.

Haub, i cili është pasardhësi i perandorisë së shitjes me pakicë të “Tengelman”, nuk u kthye nga ekskursioni i skijimit në Zermatt të Kantonit Valis.

Një zëdhënëse e “Tengelman” tha se nuk kishte lajme për 58-vjeçarin Haub.

Haub, i cili ka lindur në Uashington, dhe vëllai i tij e kanë udhëhequr kompaninë që nga viti 2000.

Mediat gjermane raportojnë se familja ka ofruar 25 mijë euro shpërblim nëse dikush ka ndonjë informacion për miliarderin e zhdukur.