Zvicër: 119 raste të reja me koronavirus

Një ditë më parë kanë qenë 179 raste pozitive ndërsa dy ditë më parë, 143. Prej rreth dy javësh, numri i të infektuarve varion në mes të 100 (sa ishin të martën) dhe 200

Numri i të infektuarve të raportuar gjatë 24 orëve të fundit në Zvicër dhe Lihtenshtajn sërish ka shënuar një rënie në krahasim me një ditë më parë. Nga dje deri më sot janë regjistruar 119 raste të reja të personave te të cilët testimi për koronavirus ka rezultuar pozitiv, bën të ditur Zyra Federale e Shëndetit Publik (BAG)

Një ditë më parë kanë qenë 179 raste pozitive ndërsa dy ditë më parë, 143, shkruan albinfo.ch. Prej rreth dy javësh, numri i të infektuarve varion në mes të 100 (sa ishin të martën) dhe 200.

Në 100.000 banorë Zvicra ka 346 të infektuar, shifër kjo që është ndër më të lartat në Evropë.

Numri i përgjithshëm i rasteve me infektime, të vërtetuara nga laboratori, sipas BAG tashmë ka arritur në 29.705. Ndërsa numri i të vdekurve, sipas të dhënave zyrtare të ardhura deri në mëngjesun e të premtes është ngjitur në 1435.

Por, si zakonisht gjatë këtyre javëve të raportimit mbi koronavirusin, edhe kësaj here, platforma tjera dalin me shifra të ndryshme më të mëdha të viktimave, përcjell albinfo.ch. Kështu, worldometers.info raporton për 1737 të vdekur nga koronavirusi në Zvicër. Po kjo platformë jep numrin prej 23.400 të shëruarve.

Deri më sot në Zvicër janë realizuar 271.500 testime, 14% të të cilave kanë rezultuar pozitive.

 

---