Zvicër: A do të përfundojë ndonjëherë pandemia me Covid 19

Procesi i zhdukjes së virusit dhe varianteve të tij ka të ngjarë të zgjasë shumë

Një specialist i shquar zviceran i sëmundjeve infektive shpjegon pse koronavirusi ka për të qëndruar për një kohë të gjatë – dhe çfarë mund të bëjmë për të minimizuar rreziqet e tij.

“Ky virus nuk do të zhduket kurrë dhe ne do të duhet të mësojmë të jetojmë me të”, tha Didier Pittet, drejtor i Programit të Kontrollit të Infeksionit në Spitalet e Universitetit të Gjenevës (HUG) në një intervistë me gazetën franceze Le Parisien.

“Që virusi të fitojë epërsinë, duhet të marrë më shumë hapësirë, duhet të jetë më ngjitës”, tha Didier, duke shpjeguar pse mutacioni Delta po përhapet kaq shpejt në të gjithë botën dhe pritet të bëhet dominues në Zvicër nga fillimi i vjeshtës, përcjell albinfo.ch.

Në mënyrë paradoksale, variantet shpesh vijnë nga vendet me më shumë vaksinime, tha ai.

“Virusi ndjen më shumë rezistencë, ka gjithnjë e më shumë kapacitet për të thënë me vete: ‘Unë duhet të ndryshoj, përndryshe vdes’. Është një instinkt mbijetese, jo inteligjencë. Viruset janë logjistikisht të përshtatshëm për tu përshtatur”.

Pra, a jemi të dënuar apo mund ta fitojmë betejën kundër virusit dhe mutacioneve të tij?

Lajmi i mirë është se vaksinat përfundimisht do të eliminojnë virusin – “ndoshta më pak AstraZeneca sesa Moderna dhe Pfizer”, pasi që dy të fundit bazohen në teknologjinë mARN që besohet të jetë më efektive në parandalimin e infeksioneve, përcjell tutje albinfo.ch.

Sidoqoftë, procesi i zhdukjes së virusit dhe varianteve të tij ka të ngjarë të zgjasë shumë.

“Do të duhen vite derisa 100 përqind e popullsisë të jetë imune ndaj Covid-19, por vaksinimi ndihmon në përshpejtimin e këtij procesi. Sa më shumë njerëz të vaksinohen, aq më i ulët është rreziku, pasi virusi nuk mund të kalojë te një person i vaksinuar”.

Por meqenëse asnjë vaksinë nuk ka shkallën e efikasitetit prej 100 përqind – megjithëse Moderna dhe Pfizer janë më afër kësaj – masa të tilla si testimi, gjurmimi dhe izolimi do të duhet të vazhdojnë.

“Dhe do të jetë e nevojshme të përdoren karta shëndetësore, në mënyrë që disa aktivitete të jenë të arritshme vetëm për njerëzit që janë vaksinuar, testuar negativisht ose të shëruar nga sëmundja,” tha Pittet.

A po i ndjek Zvicra këto rekomandime?

Që nga 1 korriku, gati 3 milionë njerëz kanë marrë të dyja dozat e vaksinave Moderna ose Pfizer, sipas statistikave nga Zyra Federale e Shëndetit Publik.

Kjo është më shumë se një e treta e popullsisë së Zvicrës.

Zyrtarët shëndetësorë thonë se të paktën 4.8 milionë duhet të vaksinohen plotësisht për të arritur imunitetin minimal të tufës prej 60 përqind, megjithëse 80 përqind do të ishte më mirë.

Sidoqoftë, duke pasur parasysh numrin e njerëzve që refuzojnë vaksinat, duket shumë e vështirë në këtë pikë që shkalla e vaksinimit 100 për qind e përmendur nga Pittet si e vetmja mënyrë për të çrrënjosur virusin do të arrihet në Zvicër.

Sidoqoftë, strategjia që qeveria përshkroi të Mërkurën për të përmbajtur shpërthime në të ardhmen, përfshin zbulimin e shpejtë të varianteve dhe vazhdimin e testimit dhe gjurmimit.

---