Zvicër: Kërkohet që paga minimale të jetë 5000 franga, pas stazhit

Foto ilustrim: Alex Kotliarskyi

Partia Socialdemokrate në Zvicër kërkon që paga minimale pas stazhit të bëhet 5000 franga. Një pagë e tillë minimale ekziston në kantonet e Gjenevës, Basel-Stadt, Neuchâtel, Jura dhe Ticino, por PS kërkon që ajo të futet në gjithë Zvicrën, shkruan 20minuten, përcjell albinfo.ch.

Deputetja e Dhomës Nacionale, Samira Marti (PS), sheh nevojën për veprim në fushën e shitjes me pakicë, logjistikës, gazetarisë dhe bujqësisë. Ajo i bën thirrje Këshillit Federal të bëjë propozime se si mund të rritet mbulimi i kontratave, për shkak që llogaritet se një milion qytetarë nuk mund t’i mbulojnë shpenzimet e tyre të jetesës, transmeton albinfo.ch.

Propozimi i partisë ka hasur në rezistencën e politikanëve të partive të djathta. Në Zvicër ka rreth një milion punëtorë e bëhet fjalë për persona të punësuar nga 20 deri në 59 vjeç dhe jetojnë në një familje që, pavarësisht se punojnë nuk kanë të ardhura mbi nivelin jetik. Të dhënat e vitit 2020 tregojnë se rreth një e katërta e punonjësve që kanë përfunduar një stazh fitojnë më pak se 5000 franga bruto në muaj dhe gjysmë milioni punonjës fitojnë më pak se 4100 franga bruto, përcjell albinfo.ch.