Zvicër: Kërkohet të rritet kujdesi ndaj fëmijëve

Një panel ekspertësh ka bërë thirrje për përpjekje për të rritur kujdesin e fëmijëve dhe disponueshmërinë e arsimit në Zvicër, përcjell albinfo.ch.

Zyra zvicerane e Organizatës së Kombeve të Bashkuara për Arsim, Shkencë dhe Kulturë (UNESCO) tha se nevojitet më shumë bashkëpunim mes autoriteteve kombëtare, kantonale dhe lokale me sektorin privat.

Ai pranoi se është bërë progres gjatë viteve të fundit, por një politikë më koherente ishte e nevojshme për të përmirësuar situatën për fëmijët në moshën parashkollore, përcjell albinfo.ch.

Komiteti këshillues i qeverisë prej 20 anëtarësh u bëri thirrje kantoneve dhe komunave të ofrojnë mundësi për kujdesin parashkollor dhe arsimim me çmime të volitshme për familjet me të ardhura të ulëta.

Në një raport të botuar të martën, ekspertët gjithashtu rekomandojnë masa për të siguruar cilësinë e personelit që punon në kujdesin ndaj fëmijëve dhe edukimin.

Fëmijët me një edukim dhe kujdes të mirë në vitet e hershme janë “më të shëndetshëm, më të kënaqur dhe më të suksesshëm” më vonë në jetë, sipas raportit, përcjell albinfo.ch.

Parlamenti zviceran shtatorin e kaluar shtypi për të tretën herë një program të financuar nga shteti, pavarësisht kundërshtimit nga qeveria, për të rritur numrin e qendrave të çerdheve dhe qendrave të tjera të kujdesit shkollor.

Programi u prezantua në vitin 2003 me qëllim të krijimit të rreth 57,400 vendeve për fëmijë në të gjithë vendin.