Zvicër: Mbi 20 milionë qëndrime në hotele, në gjashtëmujorin e parë

Në total, 20.4 milionë qëndrime (bujtje) në hotele zvicerane janë regjistruar, që përbën një rritje prej 1.4 për qind

Më shumë njerëz kanë qëndruar në hotelet zvicerane në gjysmën e parë të këtij viti sesa në të njëjtën periudhë të vitit të kaluar, sipas Zyrës Federale të Statistikave (BFS).

Në total, 20.4 milionë qëndrime (bujtje) në hotele zvicerane janë regjistruar, që përbën një rritje prej 1.4 për qind, transmeton albinfo.ch. Më shumë se gjysma e këtyre ishin nga mysafirë të huaj, siç tregojnë shifrat e publikuara nga BFS, shkruan srf.ch.

Megjithatë, qytetarët nga Zvicra kanë realizuar pak më pak qëndrime në hotelet zvicerane sesa në gjysmën e parë të vitit të kaluar, me numrin që ka rënë me 0.3 për qind, vazhdon statistika.

Sektori zviceran i hoteleve po shkon kështu drejt një viti tjetër rekord. Viti 2024 është tashmë një vit i tillë.

---