Lajme

Zvicër: S’ka më teste falas për të vaksinuarit

E mërkurë, 7 Korrik 2021 - 12:00 albinfo.ch

( Jan Woitas/dpa via AP)

Vetëtestet e Covid nuk janë më falas për ata që janë vaksinuar plotësisht.

Politika e re ka ardhur si një tronditje për shumë njerëz. Ata që dëshirojnë të marrin testet, thonë se ende duan të sigurohen se janë të lirë nga virusi.

Farmacitë lokale janë paksa të hutuara nga politika e re. Testet gjithashtu nuk janë më falas për ata që janë rikuperuar nga virusi. Një farmacist i tha gazetës “20 minuta” se nuk e di se çfarë saktësisht përcakton ‘të rikuperuarin’, transmeton albinfo.ch.

Uebfaqja e Zyrës Federale të Shëndetit thotë se testet nuk paguhen më nga konfederata për të vaksinuarit ose të infektuarit më parë.

Çdo test do të kushtojë rreth 60 CHF.