Zvicër: “Të befasuar me numrin e udhëtarëve që paraqiten për karantinë”

"Jemi të befasuar sepse sezoni i pushimeve sapo ka filluar. Prandaj, ne po presim një numër edhe më të madh të njerëzve që do të karantinohen"

Ka afër dy javë që është në fuqi rregulli i karantinës për udhëtarët që vijnë në Zvicër nga 29 vende të rrezikut për koronavirus

Dhe, pyetja që shtrohet me të drejtë lidhur me këtë rregull është: A paraqiten me të vërtetë njerëzit e prekur? Siç tregojnë shifrat e para nga disa kantone, qindra prej tyre tashmë e kanë bërë këtë, shkruan srf.ch.

Për shembull në Kantonin e Cyrihut: 600 persona që kanë hyrë nga një vend me rrezik janë regjistruar deri më tani. Në Bernë janë 220 të tillë.

Megjithatë këta numra duhet të trajtohen me kujdes, transmeton albinfo.ch. Numri i rasteve të raportuara mund të jetë më i lartë.

“Shumë persona të ardhur nga jashtë janë paraqitur tek autoritetet gjatë ditëve të kaluara. Kjo tregon shumë vetë-disiplinë”, thotë Gundekar Giebel nga departamenti i shëndetësisë në Bernë: “Ne në fakt jemi të befasuar sepse sezoni i pushimeve sapo ka filluar. Prandaj, ne po presim një numër edhe më të madh të njerëzve që do të karantinohen. Me rrjedhën e deritashme  jemi të kënaqur”.

Në kantonet si: Gjeneva, Vaudi, Basel-Stadt, Thurgau dhe Graubünden, aktualisht janë pak më pak se 900 njerëz  në karantinë.

Megjithatë Zyra Federale e Shëndetit Publik (BAG) tërheq vërejtjen për kujdes: ” Me gjithë  vetëdisplinën e treguar në mjaft fraste, numrat tregojnë gjithashtu se shumënga të prekurit  nuk raportojnë dhe nuk shkojnë në karantinë”.

Të enjten, fjala vjen, 16 aeroplanët nga vendet e rrezikut janë ulur vetëm në Cyrih, Gjenevë dhe Bazel, përcjell albinfo.ch. Nëse llogaritet me shumë kujdes, të paktën 1.000 njerëz nga vendet e rrezikut kanë hyrë në Zvicër, vetëm përmes rrugës ajrore brenda një dite.

 

---