Zvicra angazhon ushtrinë për menaxhimin e krizës së refugjatëve

Ushtria e Zvicrës synon të sigurojë që në të gjithë kufijt të ketë përgjatë tërë vitit afërsisht numër të njëjtë ushtarësh në shërbim

Autoritetet e shtetit presin që gjatë muajve të fillimit të vitit në Zvicër do të ketë më tepër refugjatë që do të hyjnë në Zvicër. Për këtë arsye ato kanë vendosur që të angazhojnë ushtrinë. Sipas Departamentit të Mbrojtjes është shtyrë kursi i përsërtjes i stërvitjeve të 5000 ushtarëve. Ata do të vihen në dispozicion për të mbështetur trupat e rojeve kufitare.

Departamenti në fjalë e ka konfirmuar një raportim të gazetës “Blick” që flet për këtë zhvillim. Sipas tij, janë shtyrë për më vonë kurset e stërvitjes së pesë batalioneve, transmeton albinfo.ch. Me marrjen e një mase të tillë, ushtria e Zvicrës synon të sigurojë që në të gjithë kufijt të ketë përgjatë tërë vitit afërsisht numër të njëjtë ushtarësh në shërbim.

Shefi i ushtrisë së Zvicrës Andre Blattmann ka deklaruar për gazetën “Blick” se janë duke u shqyrtuar mundësi të ndryshme për angazhimin e pjesëtarëve të ushtrisë.