Zvicra blen edhe tre milionë doza të reja të vaksinës Pfizer / Biontech

Po ashtu ekzistojnë kontrata të mëtejshme edhe me prodhuesit Novavax (6 milionë), Curevac (5 milionë), Astra-Zeneca (5,3 milionë) dhe Moderna (13,5 milionë)

Ministri i Shëndetësisë Alain Berset ka njoftuar përmes Twitterit se Zvicra ka blerë edhe tre milion doza të tjera vaksine nga Pfizer / Biontech. Një milion prej tyre do të jenë në dispozicion të kantoneve në muajt prill, maj dhe qershor, ka shkruar Berset në një komunikim të shkurtër.

Siç është bërë e ditur me kohë, Qeveria Federale tashmë kishte nënshkruar një kontratë për tre milionë doza me Pfizer / Biontech, transmeton albinfo.ch.

Po ashtu ekzistojnë kontrata të mëtejshme edhe me prodhuesit Novavax (6 milionë), Curevac (5 milionë), Astra-Zeneca (5,3 milionë) dhe Moderna (13,5 milionë).

Mirëpo vetëm vaksinat nga Pfizer / Biontech dhe Moderna janë të aprovuara; vaksina nga Astra-Zeneca është akoma në proces miratimi në Agjencinë Zvicerane për Produkte Terapeutike.

---