Zvicra dhe Austria kanë kryer nga 4 milionë testime për Covid

Kalon shifra e 4 milionë testimeve në Zvicër dhe Austri

Zvicra ka kryer një numër të madh të testimeve që nga fillimi i pandemisë. Të dhënat e fundit tregojnë se ky shtet që nga fillimi i pandemisë e deri tani ka bërë 4,135,714 testime, transmeton albinfo.ch.

Situata pandemike në Zvicër ka shënuar një ulje të lehtë të infektimeve në muajin dhjetor, por pavarësisht kësaj, situata është e mirëmenxhuar, ndërkohë që disa kantone kanë vënë masa ndaj pandemisë Covid-19.

Nga numri total i testimeve, 509,279 persona kanë dalë të infektuar me koronavirus.

Nga ana tjetër, edhe Austria ka kaluar shifrën e 4 milionë testimeve. Statistikat në këtë shtet tregojnë se 4,156,075 testime janë kryer që nga fillimi i pandemisë, transmeton albinfo.at.

Duhet theksuar se Austria deri më tani ka 401,886 raste total infektimesh, ndërkohë që numri i rasteve pozitive është 16,148.

Të dy shtetet kanë një situatë të mirëmenaxhuar, pavarësisht se numri i infektimeve është relativisht i lartë, por me tendencë uljeje kohëve të fundit.

Shifrat zyrtare, bazuar në numrin e personave që janë testuar, e që në fillim ishin pozitivë dhe më pas janë rikuperuar, është ngritur, këtë e tregon edhe “Worldometers”, e cila publikon të dhëna rreth koronavirusit, shkruan albinfo.ch.

---