Zvicra dhe Lihtenshtajni i vazhdojnë masat kundër gripit të shpendëve

Zvicra dhe Lihtenshtajni i kanë vazhduar edhe për dy muaj, respektivisht deri në fund të marsit, masat e miratuara në nëntor për mbrojtjen e kafshëve kundër gripit të shpezëve.

Masat për të parandaluar përhapjen e gripit të shpendëve ishin të kufizuara deri në fund të janarit. Siç ka njoftuar Zyra e Inspektimit të Ushqimit dhe Veterinarisë në Lihteshtajn, zgjerimi i masave ishte i nevojshëm për shkak të gripit të shpendëve, përkatësisht virusit H5N8 që po përhapet nga të gjitha vendet e Evropës Perëndimore, transmeton albinfo.ch.

Në shumë vende, të tilla si Austria, Hungaria, Italia dhe Britania e Madhe, janë prekur shpendët. Fermerët e pulave duhet të vazhdojnë t’i ushqejnë kafshët e tyre duke mos lejuar të ushqyerit nga zogjtë e egër. Përveç kësaj, patat dhe zogj jofluturues duhet të mbahen ndaras nga shpendët e tjera.