Zvicra do të ndjekë BE-në për sigurinë e veturave, cilat pajisje do të instalohen

(KEYSTONE/Alexandra Wey)

Qeveria zvicerane ka njoftuar se Zvicra do të ndjekë BE-në për zbatimin e rregulloreve të reja për veturat, kamionët dhe autobusët.

Në një raport të madh, Zyra Federale e Rrugëve thotë se ndryshimet e rregullave kanë potencialin për të shpëtuar shumë jetë.

Nga viti 2024 të gjitha veturat e reja të shitura do të kenë të instaluara shumë veçori të ndryshme sigurie, të tilla si sistemet automatike të frenimit kundër përplasjes, një kompjuter që mund të jetë në gjendje të dallojë nëse shoferi është tepër i lodhur, kamera të pamjes së pasme për kthim prapa – edhe pse ato janë tashmë në shumë vetura, shkruajnë mediat zvicerane, përcjell albinfo.ch.

Ekziston gjithashtu një propozim për një sistem që lejon instalimin e një aparati alkoolik, i cili do të ndalonte makinën të ndizet nëse shoferi nuk jep një provë të qartë.

Rregulla të tjera do të hyjnë për autobusët dhe kamionët për t’u siguruar që shoferi t’u përmbahet kufijve të tyre kohorë përpara se t’u duhet të pushojë. Edhe pse tahografitë janë të zakonshëm tani – ata më të rinjtë do të jenë të mbrojtur nga manipulimet dhe do të lidhen me sistemet e navigimit satelitor.