Zvicra, e shqetësuar me rritjen e numrit të infektimeve

Shtimi i rasteve të reja në Zvicër rrit shqetësimin tek ekspertët shëndetësorë

Zyrtarët zviceranë kanë shprehur shqetësim për rritjen e infeksioneve të koronavirusit në Zvicër gjatë javëve të fundit. Të premten ishin 268 raste të konfirmuara, ndërkohë të shtunën 253 raste, të tretën ditë me radhë rastet ishin mbi 250 dhe se ky numër është shqetësuses, pasi që paraqet një valë të dytë të infektimeve, transmeton albinfo.ch.

Nuk është “e mundur të parashikohej se sa shpejt numri i të prekurve do të rritet përsëri”, deklaroi Patrick Mathys nga Zyra Federale për Shëndetin Publik (BAG).

Zvicra, e cila ka hequr shumë nga kufizimet e saj të bllokimit, ka regjistruar gjithsej 37,924 infektime me Covid-19 deri më tani, ndërsa 1715 njerëz kanë vdekur. Por, numri i infeksioneve ka filluar të rritet përsëri që nga java e fundit, duke shkaktuar shqetësime për një valë të dytë, transmeton albinfo.ch.

Situata ndërkombëtare gjithashtu nuk duket shumë optimiste, shtoi Mathys, i cili është drejtues i menaxhimit të krizave dhe bashkëpunimit ndërkombëtar në BAG. “Ka disa pika të nxehta në gjithë botën, ku rastet po shpërthejnë”. Ai përmendi Shtetet e Bashkuara, Brazilin dhe Rusinë në veçanti.

Situata në vendet fqinje të Zvicrës po shkaktonte shqetësim gjithashtu. /Albinfo.ch

---