Zvicra heq nga përdorimi raketa të caktuara

Keystone

Zvicra po i largon nga përdorimi armët kundërajrore, të cilat mund t’i shfrytëzojë Ukraina. Kompania federale Armasuisse ka konfirmuar se të parat raketa Raiper tashmë janë çmontuar. “Synohet që të gjitha sistemet të çmontohen dhe të asgjësohen”, ka thënë zëdhënësi Kaj – Gunnar Sievert, shkruan Blick, përcjell albinfo.ch.

Ushtria zvicerane ka blerë në vitin 1980 gjithsej 60 sisteme të tilla e në vitin 2007 investoi në modernizimin e tyre, duke blerë edhe 2000 raketa të tjera, që po ashtu do të asgjësohen tani.

Për Ukrainën, këto raketa mund të jenë të shfrytëzueshme. “Raketat Rapier janë të vjetra, por nuk janë plotësisht që mund t’i shërbejnë Ukrainës”, ka thënë Peter Schneider, ish-kryeredaktori i “Allgemeine Schëeizerische Militaerzeitschrift”, shkruan Blick, përcjell albinfo.ch.

Ligjërisht Zvicra mund t’i nxjerrë këto raketa në shitje. Në vitin 2006, Këshilli Federal vendosi që sistemet e huaja që ishin hequr nga shërbimi mund të shiteshin në vendin e prodhimit pa asnjë kusht. Duke qenë se sistemi është britanik, Londra mund t’i blejë ato. Por, as Britania e Madhe e as Zvicra nuk kanë bërë kërkesa të tilla.