Zvicra heziton të ofrojë strehim për një numër të madh refugjatësh afganë

Ministrja e Drejtësisë, Karin Keller-Sutter hodhi poshtë akuzat se politika e qeverisë shkon kundër traditës humanitare të Zvicrës

Qeveria ka rënë dakord të marrë rreth 230 njerëz nga Afganistani, por nuk ka plane për tani për të pranuar grupe më të mëdha refugjatësh.

Ministrja e Drejtësisë, Karin Keller-Sutter tha se ajo i kuptonte shqetësimet e shumë afganëve për kontrollin e talebanëve. Por, ajo hodhi poshtë akuzat se politika e qeverisë shkon kundër traditës humanitare të Zvicrës, përcjell albinfo.ch

“Ne duhet të jemi realistë,” tha Keller-Sutter në një konferencë shtypi të mërkurën.

“Sigurimi i ndihmës në terren dhe sigurimi i evakuimit të shtetasve zviceranë dhe punonjësve lokalë të agjencisë zvicerane të zhvillimit marrin përparësi për qeverinë.”

Ajo tha se situata e sigurisë në Afganistan ishte e pasigurt dhe as agjencia e Kombeve të Bashkuara për Refugjatët (UNHCR) nuk ishte ende në gjendje të vlerësonte nevojat e një programi të mundshëm zhvendosjeje. Keller-Sutter tha se qeveria zvicerane do të shqyrtonte kërkesat shtesë për azil rast pas rasti dhe ajo nuk përjashtoi miratimin e një kontigjenti më të madh refugjatësh në një fazë të mëvonshme, përcjell tutje albinfo.ch

---