Zvicra jep 725 milionë dollarë për të luftuar varfërinë

Fondet do të shpërndahen në 74 vendet më të varfra në botë. Shuma do të paguhet për një periudhë prej nëntë vjetësh

Për të luftuar varfërinë në nivel global, Zvicra vendosi të rikapitalizojë Agjencinë e Zhvillimit Ndërkombëtar të Bankës Botërore (Ida) me 725 milionë dollarë. Kjo shumë do të paguhet për një periudhë nëntëvjeçare. Fondet do të përdoren në 74 vendet më të varfra në botë për të financuar gjithashtu rimëkëmbjen pas krizës së koronavirusit, shkruajnë mediat zvicerane, përcjell albinfo.ch.

Vendet e prekura nga kriza e Covid

Kriza e shkaktuar nga pandemia e koronavirusit ka goditur rëndë shumë vende në zhvillim dhe ka sjellë rreth 100 milionë njerëz nën kufirin e varfërisë ekstreme. Për t’i siguruar Bankës Botërore likuiditetin që i nevojitet për të nisur një reagim efektiv, IDA ka sjellë rikapitalizimin e saj të njëzetë me një vit. Ida është fondi i Bankës Botërore që mbështet vendet më të varfra. Midis korrikut 2022 dhe qershorit 2025, ajo do të investojë 93 miliardë dollarë për të përmirësuar shërbimet shëndetësore dhe arsimore, për të promovuar sektorin privat dhe krijimin e vendeve të punës dhe për të rritur qëndrueshmërinë ndaj krizave dhe ndryshimeve klimatike, duke përfshirë vendet e brishta dhe të kapërcyera nga konfliktet.

---