Zvicra ka nevojë për rregullim të Inteligjencës Artificiale

Keystone EPA/MARK R. CRISTINO

Zvicra ka nevojë për rregullim në fushën e inteligjencës artificiale, thotë ministri i Komunikimit, Albert Rösti, në një intervistë të botuar të dielën në NZZ am Sonntag. Ai gjithashtu mbron krijimin e një organi apeli.

Ministria e Mjedisit, Transportit, Energjisë dhe Komunikimeve, të cilën Rösti e drejton, do t’i paraqesë një raport qeverisë deri në mesin e vitit 2024, tha ministri. Megjithatë, është e rëndësishme që të mos pengohet inovacioni në fushën e AI, shtoi ai, transmeton albinfo.ch.

Politikani i Partisë Popullore Zvicerane e konsideron një mundësi miratimin e rregulloreve të Bashkimit Evropian (BE). Por, të them të drejtën, kjo është një çështje globale”, tha ai, duke theksuar se rol mund të luajnë edhe Kombet e Bashkuara.

Shumica nuk e miratojnë inteligjencën artificiale në prodhimin e lajmeve

Shumica dërrmuese e njerëzve në Zvicër janë kritikë ndaj mediave që mbështeten në inteligjencën artificiale (AI) për prodhimin e lajmeve.

Javën e kaluar, Rösti mori pjesë në samitin e parë global mbi sigurinë e lidhur me AI në Mbretërinë e Bashkuar. Ai theksoi nevojën për të shfrytëzuar mundësitë që ofron kjo teknologji, duke marrë në konsideratë edhe rreziqet teknike, gjeopolitike dhe shoqërore.

“Të gjithë pjesëmarrësit mendonin se rreziku i dezinformimit ishte rreziku më i madh,” tha ai. Për mediat, kërkimi i së vërtetës po bëhet edhe më i vështirë, shtoi ai. “Ne aktualisht po diskutojmë brenda Këshillit Federal se si t’i përmbushim këto sfida”.