Zvicra, Luksemburgu dhe Singapori, shtetet me më së shumti laramani të gjuhëve

Dita europiane e gjuhëve, Zvicra, shteti që ka laramani gjuhësh

Dita Evropiane e Gjuhëve është shpallur nga Këshilli i Evropës dhe është përkrahur edhe nga Bashkimi Evropian. Qëllimi i saj është të nxisë mësimin e gjuhëve në gjithë Evropën dhe, si e tillë mbështetet edhe në iniciativën e Këshillit të Evropës, transmeton albinfo.ch.

Synimet e kësaj feste janë të vlerësojë të gjitha gjuhët dhe kulturat evropiane, si dhe kontributin e njerëzve, të cilët kanë avantazhet e shumëgjuhësisë, rritjen e shumëgjuhësisë individuale dhe motivimin e njerëzve në Evropë për të mësuarit e gjuhëve gjatë gjithë jetës.

Vëmendje e veçantë i është kushtuar ruajtjes së trashëgimisë së pasur të rreth 200 gjuhëve evropiane.

Ndër shtetet që kanë më shumti laramani të gjuhëve është edhe Zvicra.

Zvicra në përdorimin zyrtar i ka katër gjuhë: gjermanishten, frangjishten, italishten dhe romanishten. Ndërsa gjuha angleze gjen përdorim në disa vise të këtij shteti, transmeton tutje albinfo.ch.

Edhe Luksemburgu ka laramni të gjuhëve. Thuhet se banorët mes vete flasin në gjuhën luksemburge, por gjuha gjermane, angleze dhe franceze janë të obligushme dhe mësohen që nga klasat e para në shkolla.

Jashtë Evropës edhe në Singapor fliten katër gjuhë. Ato janë gjuha angleze, kineze, malaike dhe tamale. Gjuha angleze gjen shtrirje më së shumti në këtë vend. /Albinfo.ch

 

---