Zvicra, me kërkesa për Kosovën e Serbinë në Këshillin e Sigurimit

Në seancën për Kosovën në Këshillin e Sigurimit të OKB-së, mes tjerash ka folur edhe përfaqësuesja e Zvicrës. Ajo i bëri thirrje Serbisë të mos e pengojë Kosovën në anëtarësim në organizata ndërkombëtare, derisa Kosovës i kërkoi themelimin e Asociacionit, transmeton albinfo.ch.

“I bëjmë thirrje Serbisë që të heqë çdo paqartësi në lidhje me përkushtimin e saj ndaj marrëveshjeve dhe të përmbahet nga kundërshtimi i anëtarësimit të Kosovës në organizata ndërkombëtare. Të dy palët ndajnë përgjegjësi për uljen e tensioneve. Eskalimet si ajo e Banjskës duhet të shmangen me çdo kusht dhe përgjegjësit duhet të sillen para drejtësisë”, deklaroi ajo.