Zvicra mund të heqë provimin e Ndihmës së Parë për shoferët!

"Një kurs i tillë nuk është nuk është më në përputhje me kohën. Në kushtet e sotme, forcat e shpëtimit mund të alarmohen përmes telefonit mobil"

Keystone

Zyrat Kantonale të Trafikut Rrugor duan që ta heqin detyrimin për kalimin e provimit të ndihmës së parë në kuadrin e autoshkollës. Kursi dhe provimi i Ndihmës së Parë, në Zvicër  është detyrues që prej 40 vitesh.

Sipas zyrave në fjalë, një kurs i tillë nuk është nuk është më në përputhje me kohën. Në kushtet e sotme, forcat e shpëtimit mund të alarmohen përmes telefonit mobil, thuhet në arsyetimin e këtij propozimi. Pasi të hiqet dorë nga ky kusr, do t`i jepet më tepër rëndësi trajnimit praktik të vozitjes, thuhet në njoftimin e bashkësisë së zyrave kantonale të trafikut rrugor.

Nga ana tjetër, Këshillimorja për mbrojtje nga aksidentet shprehet kundër heqjes dorë nga ky kurs. Sipas saj, vetëm përmes një kursi të tillë sigurohet që të barten më tutje njohuritë lidhur me sigurimin e vendit të aksidentit dhe përkujdesjen për të lënduarin.