Zvicra ndër vendet me jetëgjatësinë më të lartë në botë

Zvicra renditet e 4-ta nga 44 shtete në Indeksin Global të Pensionimit 2026, por pika më e fortë e saj është shëndeti.

Në kategorinë e shëndetësisë, Zvicra renditet në vendin e 2-të, ndërsa ka edhe jetëgjatësinë më të lartë në mesin e të gjitha vendeve të përfshira në indeks, përcjell albinfo.ch.

Vlerësimi merr parasysh financat e pensionit, shëndetësinë, cilësinë e jetës dhe mirëqenien materiale.

Në fund të fundit, një pension i mirë nuk lidhet vetëm me sa para ke, por edhe me sa gjatë dhe në çfarë gjendjeje shëndetësore mund t’i shijosh ato.

Zvicra duket se spikat pikërisht në këtë aspekt./Albinfo.ch

---