Zvicra nuk i ka dëbuar diplomatët rusë – kjo është arsyeja pse

Vendet e BE-së kanë dëbuar 260 diplomatë rusë.

Që nga fillimi i luftës në Ukrainë më 24 shkurt, vendet e BE-së kanë dëbuar 260 diplomatë rusë, pasi konsiderohen kërcënime të sigurisë. Zvicra, nga ana tjetër, nuk ka marrë masa të ngjashme, njofton albinfo.ch.

Kjo për shkak se Këshilli Federal “nuk merr sanksione në formën e shkarkimit të diplomatëve”, tha të mërkurën zëdhënësi i qeverisë, André Simonazzi.

Arsyeja, shpjegoi ai, është se “kanalet e komunikimit me Rusinë duhet të mbahen”, veçanërisht për shkak të rolit të Zvicrës si “fuqi mbrojtëse” në favor të Gjeorgjisë.

“Përveç kësaj, shkarkimi i diplomatëve mund të ndikojë në funksionimin e ambasadës sonë në Rusi, gjë që nuk do të ishte në interes të zviceranëve që jetojnë atje”, tha Simonazzi.

---