Zvicra paguan 28 franga për një dozë vaksine anti-Covid

Zvicra paguan më shumë për injeksionet me Covid sesa fqinjët e saj

Megjithëse kontratat që qeveria zvicerane ka nënshkruar me prodhuesit e vaksinave kundër koronavirusit janë konfidenciale, një dokument i ri zbulon se Zvicra paguan rreth 28 franga për dozë, njofton albinfo.ch.

Për krahasim, çmimi i BE-së për një dozë të një vaksine Pfizer varion nga 15,50 deri në 19,50 euro dhe për Moderna nga 19 në 21,50 euro. (Euro dhe franga janë afër barazisë 1:1).

Megjithatë, kjo pabarazi çmimesh nuk mund t’i atribuohet vetëm faktit se Zvicra në përgjithësi është më e shtrenjtë se shumica e vendeve të tjera. Përkundrazi, çmimi i vaksinave bazohet në sasitë e blera – sa më i madh të jetë vëllimi, aq më i lirë është çmimi.

Në përgjithësi, Zvicra bleu sasi më të vogla të vaksinave kundër Covid se sa BE-ja.

Dhe ndërsa çmimi që qeveria pagoi për dozat nuk i kalon popullatës, pasi vaksinat janë pa pagesë, kostot e përgjithshme të pandemisë janë ndër arsyet për primet më të larta të sigurimit shëndetësor që priten në vitin 2023. /Albinfo.ch

---