Zvicra, për të nëntin vit me radhë, vendi më konkurrues në botë

Pas Zvicrës vijnë me radhë SHBA, Singapuri, Holanda dhe Gjermania

Edhe këtë vit, ashtu sikurse edhe gjatë tetë viteve pararendëse, Zvicra është shpallur vendi më konkurrues në botë. Këtë e tregon një studim i realizuar nga Forumi Botëror Ekonomik WEF, shkruan srf.ch.

Pas Zvicrës vijnë me radhë SHBA, Singapuri, Holanda dhe Gjermania.

Autorët e studimit kanë evidentuar zonat problemore sa i përket aftësisë konkurruese të vendeve, transmeton albinfo.ch. Këtu hyjnë sektori jo stabil financiar, të drejtat e pamjaftueshme të punëmarrësve (punëtorëve) dhe investimet e gabuara.

Për realizimin e këtij studimi janë shqyrtuar faktorët që kontribuojnë në produktivitetin dhe mirëqenien e një vendi. Këtu bëjnë pjesë faktorë të tillë si: sistemet arsimore, shëndetësia, madhësia e tregut, standardet teknologjike, kultura e ndërmarrësisë dhe efkkasiteti i tregut të punës.