Zvicra pësoi më pak dëme nga përmbytjet e fundit se sa shtetet fqinje

Zvicra nuk pësoi viktima në lidhje me vërshimet

Pavarësisht afërsisë gjeografike dhe topografisë së ngjashme, Zvicra pësoi më pak dëme nga përmbytjet e fundit se shtetet fqinje, transmeton albinfo.ch.

Pas disa ditësh shiu të pandërprerë të rrëmbyeshëm javën e kaluar, nivelet e ujit në shumë liqene dhe lumenj zviceranë po bien ngadalë, transmeton tutje albinfo.ch.

Në përmbytjen më të keqe në më shumë se një dekadë, rrethojat e Liqenit të Cyrihut u thyen (dolën nga shtrati), ndërsa nivelet në Liqenet e Lucernit, Biel dhe Thun u rritën në mënyrë të rrezikshme.

Por, edhe pse disa zona të vendit u përmbytën, dëmi ishte shumë më pak sesa gjatë përmbytjeve zvicerane të 2005 dhe 2007.

Zvicra nuk pësoi viktima në lidhje me motin – ndryshe nga Gjermania perëndimore, ku të paktën 165 njerëz u gjetën të vdekur.

Dhjetëra njerëz gjithashtu vdiqën në Belgjikë, duke e çuar totalin në Evropën Perëndimore në mbi 200.

Ndërsa Gjermania dhe Zvicra kanë një topografi të ngjashme me një mot të ngjashëm, pse u prek Zvicra më pak se fqinji i saj?

Ekspertët thonë se intensiteti i shiut dhe vëllimi i ujit të hedhur në të dy kombet bënë një ndryshim të madh.

“Në Zvicër, sasia kumulative e ujit gjatë dy ditëve të fundit të shiut ishte 50 deri në 70 milimetra, ndërsa në Gjermani rreth gati 200 milimetra ranë gjatë së njëjtës periudhë – dy deri në tre herë më shumë”, tha inxhinier hidraulik Philippe Heller, transmetuesit publik të RTS.

Sidoqoftë, ky lloj i reshjeve është më i zakonshëm në anën jugore të Alpeve për shkak të afërsisë së rajonit me Mesdheun, sipas Yves Karrer nga Zyra Federale e Meteorologjisë dhe Klimatologjisë. /Albinfo.ch

 

---