Zvicra pezullon pagesat për agjencinë palestineze të refugjatëve

Ilustrim

Ministria e Jashtme e Zvicrës ka vendosur të ndalojë përkohësisht pagesat në Agjencinë e Kombeve të Bashkuara për Ndihmë dhe Punë për refugjatët palestinezë në Lindjen e Afërt (UNRWA) mes pretendimeve për sjellje të keqe midis menaxhmentit të saj të lartë.

Ministria u informua për situatën nga komisari i përgjithshëm i agjencisë, Pierre Krähenbühl, të hënën sipas radios publike SRF.

Një raport konfidencial nga zyra e etikës e UNRWA pretendon se anëtarët e menaxhmentit të lartë kanë abuzuar me autoritetin e tyre, me akuza përfshirë nepotizëm, diskriminim dhe sjellje seksuale. Raporti pretendon se Krähenbühl kërkoi pagesa ditore, pavarësisht se ishte larg selisë së UNRWA në Jeruzalem.

Krähenbühl, një shtetas zviceran, që është në  krye të UNRWA që nga viti 2014, me sa duket është zotuar për bashkëpunim të plotë me autoritetet hetuese.

Zvicra ka qenë anëtare e agjencisë që nga fillimi i saj në vitin 1949 dhe ka paguar kontribute rreth CHF20 (20 milion dollarë) për këtë vit.

Agjensia tashmë ka qenë nën presion të madh pasi që një nga sponsorët kryesorë të saj, Shtetet e Bashkuara, shkurtoi fondet në mënyrë drastike vitin e kaluar.

Ministri i Jashtëm zviceran, Ignazio Cassis, gjithashtu ka kritikuar publikisht rolin e UNRWA.

Agjensia ka një buxhet vjetor 1.2 miliard dollarë për të mbështetur më shumë se pesë milion refugjatë palestinezë në Siri, Liban, Jordan, Gaza dhe Bregun Perëndimor, përcjell Albinfo.ch.