Zvicra-Spanja, çka duhet të dini

Sonte do të zhvillohet përballja çerekfinale mes Zvicrës dhe Spanjës

Zvicra shkroi historinë, por nuk mjaftohet me kaq. Nati në çerekfinale përballet me Spanjën. Pasi eliminoi Francën, do të mundohet të bëjë të njëjtën gjë edhe ndaj ish-kampionëve të botës, Spanjës, përcjell albinfo.ch.

Granit Xhaka nuk do të luajë për shkak të kartonëve, ndërsa kapiten do të jetë Xherdan Shaqiri. Të Zvicra rrezikojnë të mungojnë në gjysmëfinale nëse ndëshkohen janë: Akanji, Elvedi, Embolo, Gavranović, Mbabu, Rodríguez, Schär, kurse te Spanja janë të rrezikuar: Jordi Alba, Busquets, Pau Torres, Rodri.

Thanë para ndeshjes

Vladimir Petković, trajner i Zvicrës: “Hapi tjetër është gjithmonë më i rëndësishmi. Ne duam të kalojmë në raundin tjetër, edhe nëse përballemi me një nga favoritët, Spanjën. Ne duhet të tregojmë urinë tonë në fushë. Ne duam të përparojmë, me të gjithë respektin për kundërshtarin. Xhaka do të marrë një rol tjetër, por të gjithë në skuadër do të mbështesin dhe ndihmojnë ekipin”.

Xherdan Shaqiri, mesfushor i Zvicrës: “Unë jam shumë krenar që drejtoj ekipin në një ndeshje kaq të rëndësishme dhe dua të tregoj aftësitë e mia dhe të ndihmoj ekipin. Ne kemi treguar që jo vetëm mbrohemi dhe mund të shënojmë më shumë se një gol. Nëse ne e tregojmë futbollin tonë në fushë, gjithçka është e mundur. Kjo nuk do të thotë se kam pasur një lojë të keqe nëse nuk shënoj ose jap një asistim, pasi ndihmoj shumë në mbrojtje dhe kjo është e rëndësishme për ekipin”.

Formacionet e mundshme

Zvicra: Sommer; Elvedi, Akanji, Rodríguez; Ëidmer, Freuler, Zakaria, Zuber; Shaqiri; Embolo, Seferović

Spanja: Unai Simón; Azpilicueta, Eric García, Laporte, Alba; Koke, Busquets, Pedri; Sarabia, Morata, Ferran Torres

---