Zvicra, top destinacion nga aeroporti i Prishtinës

Të shumta janë fluturimet, të cilat bëhen nga aeroporti i Prishtinës për destinacione të ndryshme.

Kurse përgjatë muajve janar-shkurt-mars të këtij viti në aeroportin e Prishtinës janë shërbyer 476 mijë e 156 udhëtarë në total. 224 mijë e 273 dhe 251 mijë e 883 në arritje dhe në nisje.

Kjo gjë është bërë e ditur nga Zyra për Informim e aeroportit ‘Adem Jashari’. Përgjatë të njëjtës periudhë tremujore të këtij viti në aeroportin e Prishtinës janë realizuar 3 mijë e 564 fluturime në nisje dhe arritje në total.

“Në krahasim me tremujorin e parë të vitit të kaluar është shënuar rritje prej 14%”, është thënë në një përgjigje për Indeksonline, përcjell albinfo.ch.

Ndërsa sa i përket top destinacionit nga aeroporti i Prishtinës dhe anasjelltas është Zvicra, saktësisht aeroporti i Cyrihut.

Zvicra pasohet nga shteti i Gjermanisë, saktësisht me pasagjerët që fluturojnë dhe aterojnë në aeroportin ‘Adem Jashari’.

“Top-destinacioni ynë si në nisje, ashtu edhe në arritje është Cyrihu, i pasuar nga ai i Basel-it/Mulhouse e më pas Dusseldorf-I”, thuhet tutje nga AP.