Zvicra, vendi i milionerëve

Përqendrimi më i madh i njerëzve të pasur është në Zvicër, thuhet në raportin e Boston Consulting Group.

Nga 1000 familjet, për shembull, 135 kanë më shumë se një milion dollarë.
Bahreini, Omani dhe Singapori janë tri vende të tjera në botë ku më shumë se 10% e popullsisë mund të mburret për një pasuri të ngjashme.

Vetëm nën 10 për qind janë milionerë në Kuvajt (9.9%) dhe Hong-Kong (9.4%).

Me numrin e madh të milionerëve njihet edhe SHBA, ku sipas të dhënave të fundit ka 6.9 milionë milionerë, ndërsa në Kinë shifra u rrit nga 2.4 milionë në 3.6 milionë.

Më pas vijnë Japonia, Britania dhe Kanadaja, ndërsa nuk janë edhe shumë prapa Gjermania, Tajvani, Italia dhe Rusia.