Zvicrës i shtohen të papunët në vitin 2021

© KEYSTONE

Për vite me radhë Zvicra  kishte stabilizuar shifrat e papunësisë dy deri në tre për qind , dhe kompanitë në fakt ankoheshin për mungesën e punëtorëve të aftë sesa për largimin e tyre nga puna, shkruan Albinfo.ch.

Kjo mund të ndryshojë me krizën e shkaktuar nga pandemia me virusin korona. Papunësia aktualisht është ende në 3.2 për qind (gjë që vjen edhe nga faktorët sezonalë, në maj vlera kishte arritur në 3.4 për qind). Por tani, shumë industri raportojnë reduktime që priten në të ardhmen. Për shembull, shoqata më e rëndësishme industriale, “Swissmem”, po parashikon një rënie në dymbëdhjetë muajt e ardhshëm.

Mund të shihet se ekonomistët presin një normë mesatare papunësie prej 4.3 për qind për vitin e ardhshëm. Kjo do të ishte dukshëm më shumë sesa pas krizës të vitit 2009 (3.7 për qind).

Ose ta themi një mënyrë tjetër: një nivel i tillë është arritur vetëm dy herë, domethënë në vitin 1997, pas krizës së pasurive të patundshme; dhe në vitin 1930.