Zyrtare: Abrashi në Basel

Mesfushori kuqezi është rikthyer në Superligën Zvicerane

Superligës zvicerane i është shtuar edhe një futbollist shqiptar. Bëhet fjalë për Amir Abrashin, shkruan albinfo.ch.

Mesfushori i kombëtares shqiptare është larguar zyrtarisht nga Freiburg për t’u rikthyer në Superligën zvicerane.

Abrashi është transferuar te Basel, në huazim deri në fund të këtij sezoni. Një rikthim në elitën e futbollit zviceran për 30-vjeçarin, aty ku ka luajtur më parë me Grasshopers.

Në Basel do të gjejë edhe Taulant Xhakën, Edon Zhegrovën, Orges Bunjakun dhe Pajtim Kasamin.

Te Baseli Abrashi do të kërkojë të luajë në vazhdimësi për të ruajtur edhe vendin në fromacion në kombëtaren kuqezi në eliminatoret e Katar 2022 që do të nisin në muajin mars.

 

---