Zyrtare: Qeveria Hoti heq reciprocitetin

Keystone (AP Photo/Visar Kryeziu)

Së fundmi, kryeministri i Kosovës, Avdullah Hoti, është deklaruar në një konferencë për media, me ç’rast ka bërë të ditur se kanë marrë vendim për heqjen e pengesave për procesin e dialogut me Serbinë, përcjell albinfo.ch.

“Sot, në ditën e dytë të punës kemi miratuar rregulloren e Qeverisë. Kemi marrë një vendim të rëndësishëm, duke i hequr pengesat për procesin e dialogut për një periudhë të arsyeshme kohore. Ne presim që të njëjtën gjë të shohim edhe nga ana serbe. Ne e ruajmë të drejtën tonë për të ruajtur sovranitetin tonë në koordinim me partnerët tanë”, tha Hoti.

“Kemi një dakordim me miqtë ndëerkombëtarë që presioni i tyre të jetë edhe karshi Serbisë, pasi të heqin edhe ata pengesat për dialog, ne do të vazhdojmë”.